यामराज बिष्ट/मध्यान्ह
दैलेख, १६ भदौ । लायन्स क्लब अफ दैलेखले बसन्तमाला बेद विद्याश्रममा शैक्षिक तथा खाद्यान्न सामग्री वितरण गरेको छ ।
नारायण नगरपालिका वडा नम्बर ७ किमु गाँउमा रहेको विद्याश्रम धार्मिक विद्यालयमा ऋषि पञ्चमीको अवसरमा खाद्यान्न र लत्ता कपडा प्रदान गरिएको लायन्स क्लब अफ दैलेखका अध्यक्ष तिर्थ जिसीले जानकारी दिए ।
उनका अनुसार कापि, कलम फोटोकपि पेपर, मार्कर, चामल, दाल, तेल लगायतका सामग्री वितरण गरिएको हो । क्लबले स्थापना कालदेखि नै जिल्लामा विभिन्न सामाजिक कार्यहरु गर्दै आएको र आगामी दिनमा पनि सहयोग गर्ने प्रतिवद्धता उनले व्यक्त गरे ।
