काठमाडौं : उच्च अदालत सुर्खेतका रजिष्ट्रार रणबहादुर कटवालविरुद्ध भ्रष्टाचार मुद्दा दायर भएको छ । उनीविरुद्ध ४ लाख ९८ हजार ९९५ रुपैयाँ बिगो दाबीसहित अख्तियार दुरुपयोग अनुसन्धान आयोगले बिहीबार विशेष अदातल काठमाडौंमा मुद्दा दायर गरेको हो ।
उनले नक्कली विल भरपाई खडा गरी, नक्कली सम्झौतासमेत बनाई फर्जी काम गरेर ४ लाख ९८ हजार ९९५ रुपैयाँ भ्रष्टाचार गरेको अख्तियारको दाबी छ । साथै उनले स्थायी शिक्षिकाको रुपमा अन्यत्रै कार्यरत रहेकी आफ्नी श्रीमतीलाई उच्च अदालत दिपायलको कम्प्युटर अपरेटरमा नियुक्ति गरेको अख्तियारको दाबी छ ।
रजिष्ट्रार कटवालले श्रीमतीलाई उच्च अदालतको कम्प्युटर अपरेटरमा नियुक्ति गरेको उजुरी परेपछि अख्तियारले उनीमाथि छानबिन शुरु गरेको थियो ।
