काठमाडौं । सरकारले ४० वर्षमाथिको उमेर समूहलाई कोरोनाभाइरस विरुद्धको खोप दिने भएको छ ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार ४० देखि ५९ वर्ष उमेर समूहलाई खोप दिने निर्णय भएको छ ।
पूर्वाधारका हिसाबले उपयुक्त अस्पतालबाट खोप प्रदान गरिने डा गौतमले जानकारी दिए ।
उनका अनुसार यो उमेर समूहलाई चीन सरकारबाट प्राप्त खोप दिन लागिएको हो ।
चीन सरकारले नेपाललाई आठ लाख डोज खोप उपलब्ध गराएको छ । उक्त खोप सोमबार मात्र नेपाललाई हस्तान्तरण गरिएको थियो ।
